Mos keluvchi mahsulotlar
Скачать яркую памятку, чтобы читать офлайн
Скачать памятку, pdf 442.26 KbIch qotishi (qabziyat) nima?
Ich qotishi (qabziyat) - bu najasning konsistensiyasi o‘zgarishi va tezligi yoshga oid (jadvalda ko‘rsatilgan) me’yordan kam bo‘lishi.
| Bolaning yoshi | Haftadagi ich kelishi soni | Bir kunda ich kelishi soni |
|---|---|---|
| 0 - 3 oylik (ko‘krak suti bilan oziqlantirish | 5 – 40 | 2,9 |
| 0 - 3 oylik sun’iy oziqlantirish | 5-20 | 2,0 |
| 6 – 12 oylik | 5 - 28 | 1,8 |
| 1 – 3 yosh | 4 - 21 | 1,4 |
| 4 va undan katta yosh | 3 - 14 | 1,0 |
Shuningdek, bolada ichakning to‘liq bo‘shatilmasligi yoki og‘riqli bo‘shashi ham qabziyat deb hisoblanadi:
- Bola qattiq kuchanadi, axlat chiqarayotganda yig‘laydi.
- Axlat qattiq bo‘ladi, anal yoriqlar va qon izlari paydo bo‘lishi mumkin.
- Taglik tez-tez ifloslanadi, ammo axlat to‘liq chiqmaydi.
Muhim! Qabziyatni funksional disxeziyadan farqlash lozim. Agar bola kuchanib, ingransa, bir necha kun davomida ichi kelmasa, ammo axlat yumshoq va shakllanmagan bo‘lsa - bu qabziyat emas, balki disxeziyadir. Bu fiziologik holat hisoblanadi. U chaqaloqning oshqozon-ichak traktining to‘liq yetilmaganligi bilan bog‘liq.
Bir yoshgacha bo‘lgan bolalarda ich qotishi sabablari
- Emizikli onaning ovqatlanish ratsionining muvozanatli emasligi
- Jismoniy faollikning pastligi
- Qo‘shimcha ovqat kiritish paytida bola ratsionining o‘zgarishi
- Bolaning ratsionida kletchatka yetishmasligi
- Bola ratsionining keskin o‘zgarishi, masalan, sun’iy oziqlantirishga o‘tish
- Mos kelmaydigan aralashma
- Aralashmani noto‘g‘ri tayyorlash
- Laktaza yetishmovchiligi
- Sigir suti oqsiliga reaksiya
Ich qotishi paytida bolaga qanday yordam berish mumkin?
✅Ko‘krak suti bilan boqilayotgan bolada qabziyat takrorlansa, ona 2 hafta davomida o‘z ratsionidan sut va sutli mahsulotlarni chiqarib tashlashi lozim. Agar ich kelishi yaxshilanmasa, buning sababi boshqa narsada bo‘ladi.
✅Agar bola sun’iy ovqatlantirilayotgan bo‘lsa, boshqa turdagi aralashmaga o‘tish yoki chaqaloq ratsioniga nordon sutli aralashmani qo‘shish masalasini pediatr bilan muhokama qiling.
✅Agar bolaga allaqachon qo‘shimcha ovqat berilayotgan bo‘lsa, unga kletchatkaga boy yangi sabzavot va mevalar bering.
✅Harakat faolligini oshiring: gimnastika qildiring, «velosiped» mashqini bajartiring, chaqaloqni qornida yotqizing, polda emaklashi va o‘ynashiga imkon yarating.
✅Bolaning qorin, son va dumba sohasida massaj qiling.
✅Yarim o‘tirgan holatda iliq suvli vannaga tushiring: bolaning tanasi 45° burchak ostida, suv esa kindik darajasida bo‘lsin.
Bolada ich qotishi holatida nima qilish mumkin emas?
❌Shifokorning ko‘rsatmasisiz surgi dorilar va klizmalarni qo‘llash.
❌Xalq tabobati vositalarini qo‘llash, ich kelishini mexanik tarzda stimulyatsiya qilish.
Muhim! Agar chaqaloqda tug‘ilgandan keyin mekoniy (birinchi axlat) kechikib yoki huqna/stimulyatsiya qilishdan so‘ng ajralgan bo‘lsa - pediatr yoki gastroenterolog shifokorga qabziyat muammosi bilan murojaat qilganingizda bu haqda albatta ma’lum qiling!
Qanday holatlarda zudlik bilan shifokorga murojaat etish kerak?
- 1 oylikdan kichik chaqaloqda ich qotishi.
- Axlatda qon bo‘lishi.
- Ich qotishi fonida qayt qilish va isitma chiqishi.
- Anal yoriqlar.
Bolaning ichi kelishi bilan bog‘liq har qanday tashvishli holat yuzaga kelsa, zudlik bilan pediatr yoki gastroenterologga murojaat qiling. O‘z vaqtida davolash va oddiy profilaktika chora-tadbirlari chaqaloqdagi ich qotishi muammosini tez hal qilishga yordam beradi.
