Echki suti asosidagi Nutrilak Premium. U boshqa bolalar aralashmalaridan nimasi bilan farq qiladi?

Echki suti asosida tayyorlangan aralashmalar davolash yoki maxsus ovqatlanish turlariga kirmaydi. Ular sog‘lom bolalar uchun mo‘ljallangan bo‘lib, asosiy xususiyatlari jihatidan oddiy bolalar aralashmalariga o‘xshaydi. Shunday bo‘lsa-da, ular boshqa mahsulotlar orasida alohida ajralib turadi. Ko‘pincha eng talabchan onalar aynan echki suti asosidagi sutli aralashmalarni tanlaydilar. Bunday onalar mahsulot tarkibini sinchkovlik bilan tekshirib, farzandlari iloji boricha eng yaxshisini iste’mol qilishini nazorat qilib boradilar.

Umuman olganda, echki suti asosida tayyorlangan aralashmalarning o‘ziga xosligi nimada va echki suti asosidagi Nutrilak Premium boshqa ishlab chiqaruvchilarning shunga o‘xshash mahsulotlaridan qanday farq qiladi? Sizlarga batafsil tushuntirib beramiz.

Echki suti o‘zining noyob va foydali xususiyatlari bilan mashhurdir. Xususan, unda dag‘al va qiyin hazm bo‘ladigan alfa-s1-kazein kam miqdorda mavjud bo‘lib, bu modda sigir sutidagi umumiy oqsil tarkibining to‘rtdan bir qismidan ko‘prog‘ini tashkil etadi. Ba’zi zotli echkilarning sutida, xuddi ona sutiga o‘xshab, bu turdagi kazein umuman bo‘lmaydi. Shuningdek, ona sutiga o‘xshab, echki suti tarkibida ham beta-kazein mavjud. Shu sababli, echki suti oqsili oshqozonda yumshoqroq laxta hosil qiladi va sigir suti oqsiliga nisbatan osonroq hazm bo‘ladi.

Echki suti asosidagi Nutrilak Premium PROGOAT aralashmasining asosini qaymog‘i olinmagan echki suti tashkil etadi. Unga quruq zardob qo‘shilmaydi. Bunday yondashuv echki sutidagi oqsil va yog‘larning tabiiy afzalliklarini saqlab qolishga yordam beradi hamda mahsulotni kamroq allergenli qiladi, bu esa chaqaloqning sezgir hazm qilish tizimi uchun juda muhimdir. 

Aralashmani sigir suti asosida tayyorlashda zardob dag‘al kazeinlar miqdorini kamaytirish, oqsil tarkibini biologik qiymati va hazm bo‘lishi jihatidan ona sutiga yaqinlashtirish uchun zarur bo‘lsa, echki suti asosidagi aralashmalar uchun bu kerak emas. Echki suti oqsillari ona sutidagiga yaqin beta-kazein tufayli shundoq ham yaxshi hazm bo‘ladi. Bundan tashqari, qo‘shilgan zardob o‘zi bilan qo‘shimcha allergen - beta-laktoglobulinni olib keladi. Bu zardob fraksiyasining asosiy allergeni hisoblanib, sigir sutiga nisbatan ko‘pchilik reaksiyalar aynan shu bilan bog‘liq.

Bunday paradoks yuzaga keladi: sigir suti asosida tayyorlangan aralashmalardagi quruq zardob foydali bo‘lsa, echki suti asosida tayyorlangan aralashmalardagi unchalik emas. Nutrilak Premium tarkibida zardobning yo‘qligi, zardob tarkibidagi qo‘shimcha allergenlar bo‘lmagani sababli, aralashmaning potensial allergenligini, zardob mavjud bo‘lgan analoglariga nisbatan 3 barobar kamaytiradi. Oqsil tarkibi o‘zgartirilmagan qaymog‘i olinmagan echki sutidan foydalanish natijasida, aralashma kazein va zardob oqsillarining tabiiy nisbatini saqlab qoladi. Bu esa ovqatning yanada qulay hazm bo‘lishini va go‘dakning ovqat hazm qilish tizimiga tushadigan yukni kamaytirishini ta’minlaydi.

Nutrilak Premium sutli aralashmasida echki sutining tabiiy sut yog‘i saqlanadi, tarkibida palma va raps yog‘lari mavjud emas. Asl sut yog‘i kalsiyning so‘rilishini yaxshilaydi va muntazam yumshoq ich kelishiga ko‘maklashadi. U bolalar aralashmasining yog‘ tarkibini ona suti tarkibiga yaqinlashtiradi, bu esa bolaning to‘g‘ri o‘sishi, immuniteti mustahkamlanishi va asab tizimining rivojlanishi uchun muhim ahamiyatga ega.

Omega-3 DHA, ya’ni dokozageksayen kislotasi, go‘daklarning miya va ko‘rish qobiliyati rivojlanishi uchun zarur bo‘lgan tarkibiy qismdir.

Echki suti asosidagi Nutrilak Premium tarkibida DHA manbai sifatida baliq yog‘i o‘rniga dengiz mikroo‘tlar qo‘llaniladi. Bu nafaqat allergiya xavfini kamaytiradi, balki mahsulotni ekologik toza, xavfsiz va sifat jihatidan barqaror qiladi. Bunday yondashuv — zamonaviy premial darajadagi bolalar aralashmalarini ishlab chiqarishdagi standart hisoblanadi.

Shuningdek, Nutrilak echki suti asosidagi sutli aralashmalarida DHA miqdori boshqa echki suti asosida tayyorlangan aralashmalarga nisbatan yuqoriroq ekanligi muhim bo‘lib, bu kichkintoylarning aqliy rivojlanishi uchun juda ahamiyatlidir.

Nutrilak Premium bozordagi tarkibi tuzilishi jihatidan ona suti oligosaxaridlariga (HMO) o‘xshash bo‘lgan beshta eng muhim oligosaxaridni o‘z ichiga olgan yagona aralashma hisoblanadi. Bu tabiiy prebiotiklar ona sutida tabiiy ravishda mavjud bo‘lib, go‘dakning mikroflorasi va immuniteti shakllanishida asosiy rol o‘ynaydi.

Prebiotiklarning bu turi bifidobakteriyalarning o‘sishiga yordam beradi — aynan shu foydali mikroorganizmlar erta yoshda bolalar ichagida ustunlik qilishi lozim. Prebiotiklar «foydali» bakteriyalar uchun ozuqa vazifasini bajaradi, ayni paytda patogenlarni to‘sib qo‘yadi. Bu bolaning immunitetini qo‘llab-quvvatlashning tabiiy va samarali usulidir.

Echki suti asosidagi Nutrilak Premium mahsulotlari qatorida turli yosh guruhlari uchun mo‘ljallangan oziq-ovqat mahsulotlari mavjud. Ular qadoqlarda 1, 2 va 3 raqamlari bilan belgilangan. Birinchi formulasi yangi tug‘ilgan chaqaloqlar uchun, ikkinchisi olti oylikdan boshlab beriladi. 3-raqam bilan belgilangan mahsulot esa bir yoshdan oshgan bolalar uchun mo‘ljallangan sutli ichimlikdir.

Ushbu mahsulotlarning har biri echki suti asosidagi sutli aralashmalarning barcha sanab o‘tilgan afzalliklarini o‘zida saqlab qoladi. Shu bilan birga, ularning oqsil, yog‘lar, uglevodlar miqdori hamda vitamin va mineral moddalari tarkibi bolaning har bir rivojlanish bosqichidagi yosh ehtiyojlariga to‘liq mos keladi.